ரூ 350 கோடி பட்ஜெட்டில் லைகா நிறுவனம் தயாரித்து வரும் படம் 2.ஓ. ஷங்கர் இயக்கத்தில் ரஜினி நடித்து வரும் இந்த படத்தின் படப்பிடிப்பு சென்னை, டெல்லி என விறுவிறுப்பாக நடந்து கொண்டிருக்கிறது.
அதையடுத்து மொராக்கோ நாட்டுக்கு செல்லவிருப்பதாகவும் கூறப்படுகிறது. மேலும். இந்த படத்தில் ரோபோ வில்லனாக இந்தி நடிகர் அக்சய்குமார் நடிக்கிறார். அவரும், ரஜினியும் மோதிக்கொள்ளும் சண்டை காட்சியைதான் டெல்லி ஜவகர்லால் நேரு ஸ்டேடியத்தில் படமாக்கினார் ஷங்கர்.
அவரைத் தொடர்ந்து 2.ஓ படத்தில் ரஜினியுடன் இன்னொரு வில்லனாக சுதன்ஷூ பாண்டேயும் நடிக்கிறாராம். இவர் அஜீத் நடித்த பில்லா-2 படத்தில் நடித்தவர். இவர் எந்திரன் படத்தில் வில்லனாக நடித்த விஞ்ஞானி டேன்னி டெங்ஜாங்பாவின் மகனாக இந்த படத்தில் நடிக்கிறாராம். ஆக, சுதன்ஷூ பாண்டேதான் ரஜினியுடன் நேரடியாக மோதும் மனித வில்லனாம். ஆக, ரோபோ வில்லனாக அக்சய்குமார், மனித வில்லனாக சுதன்ஷூ பாண்டே என இரண்டு வில்லன்கள் 2.ஓவில் ரஜினியுடன் மோதுகிறார்கள்.
