உடுவில் பகுதியில் வாள்களுடன் பயணித்தார்கள் என்ற குற்றசாட்டில் மூன்று இளைஞர்களை சுன்னாக பொலிஸார் கைது செய்துள்ளனர்.
நேற்று (ஞாயிற்றுக்கிழமை) இடம்பெற்ற இச்சம்பவத்தில் உடுவில் பகுதியைச் சேர்ந்த 21, 23 வயதுடையவர்களே கைது செய்யப்பட்டுள்ளனர்.
அத்துடன் கைது செய்யப்பட்ட இளைஞர்களிடமிருந்து இரண்டு வாள்கள் மற்றும் அவர்கள் பயணித்த மோட்டார் சைக்கிள் என்பவற்றையும் பொலிஸார் பறிமுதல் செய்துள்ளனர்.
மோட்டார் சைக்கிள் ஒன்றில் மூவர் வாள்களுடன் பயணிப்பதாக கிடைத்த இரகசிய தகவலை அடுத்து, வீதி சோதனை நடவடிக்கையினை சுன்னாக பொலிஸார் மேற்கொண்டுள்ளனர். இதனைத் தொடர்ந்தே மூவரும் கைது செய்யப்பட்டுள்ளனர்.
கைது செய்யப்பட்ட குறித்த சந்தேகநபர்களிடம் சுன்னாக பொலிஸார் மேலதிக விசாரணையை முன்னெடுத்து வருகின்றனர்.
