வடமாகாணக் கல்வித் திணைக்களத்தின் ஏற்பாட்டில் நடைபெற்று வரும் விளையாட்;டுப் போட்டிகளின் தடகள மற்றும் மைதான நிகழ்வுகள் யாழ். துரையப்பா விளையாட்டரங்கில் நேற்று ஆரம்பமாகியுள்ளன.
இந்தப் போட்டிகளை வடமாகாண முதலமைச்சர் சி.வி.விக்னேஸ்வரன் சம்பிராதயபூர்வமாக ஆரம்பித்து வைத்தார்.
தடகள மற்றும் மைதான நிகழ்வுகள் தொடர்ந்து எதிர்வரும் 27 ஆம் திகதி வரையிலும் இடம்பெறவுள்ளது.
வடமாகாண பாடசாலைகளுக்கிடையிலான விளையாட்டுப் போட்டிகள் 5 கட்டங்களாக இடம்பெற்று வருகின்றன.
ஏப்ரல் 1 ஆம் திகதி ஆரம்பமான மேற்படி போட்டிகளின் முதலாம் மற்றும் இரண்டாம் கட்டப் போட்டிகள் முல்லைத்தீவு மாவட்டத்திலும், மூன்றாம் கட்டப் போட்டிகள் வவுனியா மாவட்டத்திலும், நான்காம் கட்டப் போட்டிகள் யாழ்ப்பாண மாவட்டத்தில் நடைபெற்று முடிந்தன.
5 ஆம் கட்டப் போட்டிகளான தடகள மற்றும் மைதான நிகழ்வுகள் நேற்று திங்கட்கிழமை (23) முதல் யாழ். துரையப்பா விளையாட்டரங்கில் ஆரம்பமாகி நடைபெறுகின்றது.
இது வரையிலும் நடைபெற்ற 4 கட்டப் போட்டிகளிலும் யாழ்ப்பாணக் கல்வி வலயம் 715 புள்ளிகள் பெற்று முதலிடத்தில் உள்ளமை குறிப்பிடத்தக்கது.
தொடர்புடைய செய்தி
வடக்கு, கிழக்கு மாகாணங்கள் வேறுபட்ட தன்மையுடையன – வடமாகாண முதலமைச்சர்
