126 கிராம் கேரளா கஞ்சாவுடன் கைதுசெய்யப்பட்ட நபரிடம் பெற்றுக்கொள்ளப்பட்ட வாக்குமூலத்தின் பிரகாரம் 300 கிராம் கஞ்சாவுடன் மற்றொரு நபரையும் யாழ்.பொலிஸார் கைதுசெய்துள்ளனர்.
குருநகர் சவற்காலை சந்தியில் வைத்து, அதே இடத்தினைச் சேர்ந்த 21 வயதுடைய இளைஞர் 126 கிராம் கேரளா கஞ்சாவுடன் இன்று புதன்கிழமை கைதுசெய்யப்பட்டுள்ளார்.
கைதுசெய்யப்பட்ட நபரிடம் பெற்றுக்கொள்ளப்பட்ட வாக்குமூலத்தின் பிரகாரம், சொலமன் வீதி கொய்யாத் தோட்டம் பகுதியைச் சேர்ந்த 30 வயதுடைய இளைஞரை 300 கிராம் கஞ்சா பொதிகளுடன் யாழ். குருநகர் கடற்கரை வீதியில் வைத்து நேற்று புதன்கிழமை கைதுசெய்துள்ளனர்.
கைதுசெய்யப்பட்ட நபர் யாழ்.கொக்குவில் பகுதியில் உள்ள பிரபல பாடசாலை ஒன்றில் ஊழியராக கடமையாற்றி வருகின்றார்.
குறித்த நபரிடம் பொலிஸார் விசாரணைகளை மேற்கொண்டு வருகின்றதுடன், நீதிமன்றில் ஆஜர்படுத்துவதற்கான நடவடிக்கையினையும் பொலிஸார் மேற்கொண்டு வருகின்றனர்.
