அழகிய தமிழ்மகன் படத்திலேயே விஜய்யை ஹீரோ, வில்லன் என இரண்டுவிதமான கோணங்களில் வெளிப்படுத்திய பரதன், இப்போது பைரவா படத்திலும் இரண்டுவிதமான விஜய்யை இயக்கிக்கொண்டிருக்கிறார். மேலும், இந்த படத்தில் காதல், காமெடி, செண்டிமென்ட், ஆக்சன் என அனைத்து விசயங்களையும் கலந்து வைத்திருக்கிறார். அதோடு குழந்தைகளுடன் விஜய் பாடும் ஒரு பாடலும் உள்ளதாம்.
மேலும், ஆக்சன் காட்சிகளில் தற்போது பின்னி எடுத்துக்கொண்டிருக்கும் விஜய், பாடல் காட்சிகளையும் விட்டு வைக்கவில்லையாம். பாடல்களை கம்போஸ் செய்வதற்கு முன்பே சந்தோஷ் நாராயணனை அழைத்து, இந்த பாடல் இந்த மாதிரியான ஸ்பீடில் இருக்க வேண்டும் என்று தான் நடனமாடுவதற்கேற்ப பீட் கேட்டு வாங்கினாராம். அந்த வகையில், படத்தில் 3 பாடல்கள் அதிரடி டியூனாக கம்போஸ் செய்யப்பட்டுள்ளதாம்.
ஏற்கனவே, பாடல் காட்சிகளில் பின்னி பெடலெடுக்கும் நடனமாடக்கூடிய விஜய், இந்த பைரவா படத்தில் இதுவரையில்லாத அளவுக்கு மாறுபட்ட நடன அசைவுகளை வெளிப்படுத்தியிருக்கிறாராம். அதேசமயம் ரிகர்சல் பார்க்காமல், ஸ்பாட்டில் ஒருமுறை நடன மாஸ்டரை ஆடச்சொல்லி விட்டு அடுத்த நிமிடமே கேமரா முன்பு சென்று ரீடேக் வாங்காமல் சிங்கிள் டேக்கில் நடனமாடி அசத்தியிருக்கிறாராம் விஜய். அந்த வகையில், பைரவா படம் தியேட்டருக்கு வரும்போது விஜய்யின் அதிரடி நடனத்தைப்பார்த்து தியேட்டர்களில் ரசிகர்களும் எழுந்து ஆட்டம் போட, தியேட்டர்களே அதிரப்போகிறது என்கிறார்கள்.
