ஆவா குழுவைச் சேர்ந்தவர் என சந்தேகிக்கப்படும் மற்றுமொருவர் முல்லைத்தீவில் வைத்து கைதுசெய்யப்பட்டுள்ளார்.
சந்தேகநபர் முன்னதாக யாழ்ப்பாணம் – சுண்ணாகம் பகுதியிலுள்ள வர்த்தக நிலையம் ஒன்றில் பணியாற்றிய வேளை, ஆவா குழுவுடன் தொடர்பினைப் பேணியதாக தகவல் வௌியாகியுள்ளது.
இதன்படி தீவிரவாத ஒழிப்புப் பிரிவினர் இவரைக் கைதுசெய்துள்ளனர்.
மேலும் சந்தேகநபர் முல்லைத்தீவு – விநாயகபுரம் பகுதியைச் சேர்ந்த 20 வயதான இளைஞராகும்.
இதேவேளை ஆவா குழுவுடன் தொடர்புடைய சந்தேகத்தின் பேரில் முன்னதாக கைதுசெய்யப்பட்ட 11 பேர் விளக்கமறியலில் வைக்கப்பட்டுள்ளமை குறிப்பிடத்தக்கது.
