இலங்கை மற்றும் இங்கிலாந்து அணிகளுக்கிடையிலான ஐந்தாவதும் கடைசியுமான ஒருநாள் போட்டி இன்று நடைபெறவுள்ளது. இந்தப் போட்டியிலேனும் இலங்கை அணி வெற்றிபெற்று ஆறுதல் அளிக்குமா என்பதுதான் அனைத்து ரசிகர்களினதும் எதிர்பார்ப்பாக உள்ளது.
அதேபோல் இந்தப் போட்டியில் இலங்கை அணி வெற்றிபெற்று தரவரிசைப் பட்டியலில் பின்தங்கிவிடாமல் பாதுகாத்துக்கொள்ளுமா என்பதும் கேள்விக்குறியாகியுள்ளது. இங்கிலாந்துக்கு சுற்றுப்பயணம் மேற்கொண்டுள்ள இலங்கை அணி அந்நாட்டு அணியுடன் 5 போட்டிகள் கொண்ட ஒருநாள் தொடரை 2–-0 என்ற அடிப்படையில் தோற்றது.
இந்தத் தொடரின் கடைசி போட்டி இன்று நடைபெறவுள்ளது. இங்கிலாந்துக்கெதிரான தொடருக்கு முன்பாக அயர்லாந்து அணியுடனான 2 போட்டிகள் கொண்ட ஒருநாள் தொடரை இலங்கை அணி கைப்பற்றியிருந்தமை குறிப்பிடத்தக்கது. அதேவேளை இவ் விரு அணிகளும் மோதும் ஒரே ஒரு இருபதுக்கு 20 கிரிக்கெட் போட்டி எதிர்வரும் 5ஆம் திகதி நடைபெறவுள்ளது.
