அமெரிக்காவின் கலிபோர்னியா மாகாணத்தில் உள்ள பல்கலைக்கழகம் ஒன்றில் நடைபெற்ற துப்பாக்கிச்சூட்டில் இரண்டு பேர் பலியாகினர்.
உள்ளூர் நேரப்படி காலை 10 மணியளவில் துப்பாக்கிச்சூடு நடைபெற்றுள்ளது. துப்பாக்கிச்சூடு நடத்திய நபர் மற்றொருவரை சுட்டுக்கொன்றுவிட்டு தானும் தற்கொலை செய்து கொண்டுள்ளதாக லாஸ் ஏஞ்சல்ஸ் போலீசார் தெரிவித்தனர்.
மேலும், இந்த தற்கொலை மற்றும் கொலைக்கான காரணம் என்ன என்பது குறித்து விசாரித்து வருவதாக போலீசார் தெரிவித்தனர். தற்கொலை கடிதம் ஒன்று கிடைத்துள்ளதாகவும் வேறு எந்த கோணமும் தற்போதைக்கு தெரியவில்லை என்றும் போலீசார் தெரிவித்தனர்.
துப்பாக்கிச்சூடு நடைபெற்றதும் பல்கலைக்கழகத்தில் வகுப்புகள் உடனடியாக ரத்து செய்யப்பட்டன. இறுதித்தேர்வுக்கு மாணவர்கள் தயாராகி வரும் வேளையிலும், துப்பாக்கிச்சூடு சம்பவத்தால், அனைத்து வகுப்புகளும் நாள் முழுவதும் ரத்து செய்யப்பட்டன. மதியத்துக்கு பிறகு மீண்டும் வகுப்புகள் துவங்கின.
