அமெரிக்க அதிபர் ஒபாமா சிகாகோநகரில் நடைப்பெற்ற தனது பிரியா விடை நிகழ்ச்சியில் இறுதி உரை நிகழ்த்தி அனைவரையும் நெகிழச் செய்தார்.
அமெரிக்க அதிபர் ஒபாமாவின் பதவிகாலம் ஜனவரி 20-ஆம் தேதியுடன் நிறைவு பெறுகிறது. இந்தநிலையில் அவர் சிகாகோவில் நடைப்பெற்ற தனது பிரியா விடை நிகழ்ச்சியில் கலந்து கொண்டு இறுதி உரை ஆற்றினார்.
அவரது உரையில், ” நானும், எனது மனைவியும் கடந்த சில வாரங்களாகவே பாராட்டு மழையில் நனைந்து விட்டோம். . நீங்கள் என்னை சிறந்த அதிபராக, சிறந்த மனிதராக ஆக்கியுள்ளீர்கள். இன்னொரு முறை என்ன அதிபாராக மக்கள் வலியுறுத்தி வருகின்றனார், அது என்னால் முடியாது.
பதவியேற்றபோது இருந்ததை விட அமெரிக்கா சிறந்ததாகவும், வலிமையானதாகவும் மாறியுள்ளது . இன்னும் பத்து நாட்கள் நாட்டின் சாட்சியாகவும் , அடையாளமாகவும் ஜனநாயகம் இருக்கும்.ஒற்றுமையின் அடிப்படையில் தான் ஜனநாயகம் மேம்படும்.
அமெரிக்க அதிபராக பதவி ஏற்க இருக்கும் டொனால்டு டிரம்பிற்கு நிர்வாக ரீதியாக எந்த பிரச்சனையும் இருக்காது.தவறான நபர்களை தேர்வு செய்து விட்டு வருத்தப்படுவதில் அர்த்தமில்லை.
கடந்த எட்டு ஆண்டுகளில் அமெரிக்காவில் தீவிரவாத தாக்குதல்கள் எதுவும் நடைபெறவில்லை. ஐ.எஸ் பயங்கரவாதம் முற்றிலும் அழிக்கப்படும். அமெரிக்கவிற்கு அச்சுறுத்தலாக இருக்கும் யாரும் பாதுகாப்பாக இருக்க முடியாது. ஒசாமா உட்பட பல்லாயிரகணக்கான தீவிரவாதிகளை அழித்திருக்கிறோம்
பிரிவினையை தூண்டுவதாக இனவாதம் உள்ளது. இஸ்லாமியருக்கு ஏதிரான வெறுப்புணர்வை ஏற்க்க முடியாது. அமெரிக்காவின் வளர்ச்சியில் குடியேறியவர்களின் பங்கு மிகவும் முக்கியமானது,” என்று அவர் உருக்கமாக கூறினார்.
