கிரிக்கெட் டெஸ்ட் போட்டியின் தொடக்க நாளில் உணவு இடைவேளைக்கு முன்பே சதமடித்த ஐந்தாவது வீரர் என்ற பெருமையை ஆஸ்திரேலியாவின் தொடக்க ஆட்டக்காரர் டேவிட் வார்னர் படைத்துள்ளார்.
இன்று ( செவாய்க்கிழமை) சிட்னி கிரிக்கெட் மைதானத்தில் பாகிஸ்தானுக்கு எதிராக நடந்த டெஸ்ட் போட்டியின் போது, இடது கை தொடக்க ஆட்டக்காரரான வார்னர் 78 பந்துகளில் சதமடித்து இந்த சாதனையை எடுத்துள்ளார்.
டெஸ்ட் போட்டியின் முதல் நாளான இன்று, உணவு இடைவேளைக்கு நான்கு நிமிடங்களுக்கு முன்னர், வார்னர் இந்த மைல்கல்லை எட்டினார். வார்னர் 17 பவுண்டரிகளை விளாசி தனது சதத்தை அடைந்தார் என்பது குறிப்பிடத்தக்கது.
இது வரை, விக்டர் டிரம்பர், சார்லஸ் மெக்கார்டினி, டான் பிராட்மேன் மற்றும் மஜித் கான் ஆகியோர் மட்டுமே எடுத்துள்ள இந்த அரிய சாதனையை இன்று டேவிட் வார்னிங் சமன் செய்துள்ளார்.
