சுற்றுலாப் பேரூந்து மீது கல்வீச்சு: ஐந்து இளைஞர்கள் கைது

யாழ்ப்பாணத்தில் அண்மையில் சுற்றுலாப் பயணிகளின் பேரூந்து மீது மேற்கொள்ளப்பட்ட தாக்குதல் தொடர்பில் 5 இளைஞர்கள் கைது செய்யப்பட்டுள்ளனர்.

யாழ்ப்பாணத்தில் நேற்று ஞாயிற்றுக்கிழமை மாலை சந்தேகநபர்கள் கைது செய்யப்பட்டுள்ளதாக பொலிஸார் தெரிவித்துள்ளனர்.

மானிப்பாய், கல்வியங்காடு, கோப்பாய், மற்றும் உரும்பிராய் ஆகிய பகுதிகளை சேர்ந்த இளைஞர்களே இவ்வாறு கைதுசெய்யப்பட்டுள்ளனர்.

யாழ்ப்பாணத்தில் இடம்பெற்ற 9 பாரிய குற்றச் செயல்களுடன் குறித்த சந்தேகநபர்கள் தொடர்புபட்டுள்ளதாக விசாரணைகளில் தெரியவந்துள்ளதாகவும் பொலிஸார் தெரிவித்துள்ளனர்.

சந்தேகநபர்களிடமிருந்து வாள், கோடரி, மற்றும் கத்தி உள்ளிட்ட பல கூரிய ஆயுதங்களும் கைப்பற்றப்பட்டுள்ளன.

இதேவேளை அண்மையில் வாள் வெட்டு தாக்குதலில் ஈடுபட்டு சந்தேகநபர்களால் திருடப்பட்ட இரண்டு மோட்டார் சைக்கிள்களும் பொலிஸார் கைப்பற்றியுள்ளனர்.

இவ்வாறான குற்றச்செயல்களில் ஈடுபடுவதற்கு பின்னணியில் உள்ளவர்கள் யார் என்பது தொடர்பில் விசாரணைகள் முன்னெடுக்கப்பட்டுள்ளதாக யாழ்ப்பாண தலைமை பொலிஸார் தெரிவித்துள்ளனர்.