நட்சத்திர கிரிக்கெட்டில் விளையாடும் நடிகர்களின் பட்டியல் வெளியீடு!

நடிகர் சங்க கட்டடம் கட்டுவதற்கான நிதி திரட்ட ஏப்ரல் 17-ல் நடக்கவுள்ள நட்சத்திர கிரிக்கெட் போட்டில், அணியில் இடம்பெறுகிற வீரர்களின் பட்டியல் வெளியிடப்பட்டுள்ளது.

தென்னிந்திய நடிகர் சங்கத்துக்குக் கட்டடம் கட்ட நிதி திரட்டுவதற்காக நட்சத்திர கிரிக்கெட் போட்டி, வரும் ஏப்ரல் 17-ம் தேதி சென்னை சேப்பாக்கம் கிரிக்கெட் மைதானத்தில் நடைபெறுகிறது. இந்தப் போட்டியில் ரஜினிகாந்த், கமல்ஹாசன் உள்பட அனைத்து நடிகர்களும் பங்கேற்கிறார்கள். போட்டியில் 8 அணிகள் பங்கேற்கின்றன. 7 போட்டிகள் நடைபெறுகின்றன. இந்த 8 அணிகளில் 48 நடிகர்கள் பங்குபெறுகிறார்கள். ஒவ்வொரு அணியிலும் 6 பேர் இருப்பார்கள். 6 ஓவர்களுக்குப் போட்டி நடக்கும். ஏப்ரல் 17 அன்று காலை 9 மணிக்கு ஆரம்பிக்கும் போட்டி, இரவு 10 மணி வரை நடைபெறும்.

டிக்கெட் கட்டணம், சேடிலைட் உரிமம் என மொத்தம் ரூ. 13 கோடி நிதி திரட்ட முடிவு செய்யப்பட்டுள்ளது.

அணிகளின் கேப்டன்கள் குறித்த விவரம் முதலில் வெளியிடப்பட்டது. சென்னை சிங்கம்ஸ் கேப்டனாக சூர்யாவும், மதுரை காளைஸ் கேப்டனாக விஷாலும், திருச்சி டைகர்ஸ் கேப்டனாக சிவகார்த்திகேயனும், கோவை கிங்ஸ் கேப்டனாக கார்த்தியும், சேலம் சீட்டாஸ் கேப்டனாக ஆர்யாவும், தஞ்சை வாரியர்ஸ் கேப்டனாக ஜிவாவும், நெல்லை டிராகன்ஸ் கேப்டனாக ஜெயம் ரவியும், ராமநாடு ரைனோஸ் கேப்டனாக விஜய் சேதுபதியும் நியமிக்கப்பட்டுள்ளார்கள்.

அணியில் இடம்பெறுகிற வீரர்களின் விவரங்கள் தற்போது வெளியிடப்பட்டுள்ளன.

சென்னை சிங்கம்ஸ்: கேப்டன் – சூர்யா

விக்ராந்த், நந்தா, உதய், அருண் விஜய், அர்ஜுன், ஹன்சிகா, கீர்த்தி சாவ்லா, கெளரி முங்கல், திவ்யா, ருக்மினி.

மதுரை காளைஸ்: கேப்டன் – விஷால்

ரிஷி, சூரி, அருள்நிதி, ரமணா, ஆர்.கே. சுரேஷ், மன்சூர் அலிகான், வரலட்சுமி, ஜனனி ஐயர், மதுமிதா, சாந்தினி, நிக்கி கல்ராணி

கோவை கிங்ஸ்: கேப்டன் – கார்த்தி

பிரசாந்த், பரத், விஷ்ணு, சஞ்சய், மகேந்திரன், ஜே.கே. ரித்தீஷ், தமன்னா, மது ஷாலினி, ஸ்ருஷ்டி டாங்கே, மிஷா, அபிநயஸ்ரீ.

நெல்லை டிராகன்ஸ்: கேப்டன் – ஜெயம் ரவி

அரவிந்த் சாமி, விஜய் வசந்த், செளந்தர்ராஜா, பிரித்வி, அஸ்வின் சேகர், வைபவ், ஸ்ரீ திவ்யா, நமிதா, மனிஷா யாதவ், விஜயலட்சுமி, கோமல் சர்மா, பார்வதி.

ராமநாடு ரைனோஸ்: கேப்டன் – விஜய் சேதுபதி

ஜெய், கலை, போஸ் வெங்கட், வருண் ஈஸ்வரி கணேஷ், சக்தி, சிரிஷ், அருண் பாலாஜி, ரம்யா நம்பீசன், சோனியா அகர்வால், வசுந்தரா, காயத்ரி, ரித்விகா.

தஞ்சை வாரியர்ஸ்: கேப்டன் – ஜீவா

அதர்வா, லக்‌ஷ்மண், பசுபதி, சரண், அசோக், பிளாக் பாண்டி, அமலா பால், தன்சிகா, நிகிஷா படேல், பிளோரா ஷைனி, சஞ்சனா சிங்

சேலம் சீட்டாஸ்: கேப்டன் – ஆர்யா

கார்த்திக் முத்துராமன், உதயநிதி ஸ்டாலின், ஆதவ், உதயா, ஜித்தன் ரமேஷ், செந்தில், பிந்து மாதவி, நந்திதா, பூணம் கெளர், ரகசியா, சுஜா

திருச்சி டைகர்ஸ்: கேப்டன் – சிவகார்த்திகேயன்

விக்ரம் பிரபு, அசோக் செல்வன், ஷாம், ஹேமசந்திரன், நிதின் சத்யா, சதீஷ், ஸ்ரீமன், கீர்த்தி சுரேஷ், சாயா சிங், காயத்ரி ரகுராம், தேஜாஸ்ரீ, வேதிகா.