ஷங்கர் இயக்கத்தில் ‘சூப்பர் ஸ்டார்’ ரஜினிகாந்த் நடித்துவரும் 2.o படத்தின் மூன்றாம் கட்ட படப்பிடிப்பு தற்போது டெல்லியில் நடைபெற்று வருகிறது. இதில் ரஜினி, எமி ஜாக்சன் சம்பந்தப்பட்ட காட்சிகள் படமாகி வருகிறது.
நடிகை எமி ஜாக்சனுக்கு இப்படத்தில் பல சண்டைக் காட்சிகள் இருக்கின்றன. இதில் ஒரு சண்டைக்காட்சி தற்போது படமாகி வருவதாகவும் அதற்காக தான் தயாராகிக் கொண்டிருப்பதாகவும் நடிகை எமி ஜாக்சன் டிவிட்டரில் தெரிவித்துள்ளார்.
இந்த ஷெட்யூல் வரும் ஏப்ரல் 13-ம் தேதி வரை தொடர்ச்சியாக நடைபெறவுள்ளது. அதன்பிறகு சென்னை திரும்பும் படக்குழுவினர், சென்னையில் சில காட்சிகளை படமாக்கவுள்ளனர்.
பின்னர் ஏப்ரல் 22, 23-ம் தேதிகளில் பொலிவியாவில் இதன் படப்பிடிப்பு நடைபெறவுள்ளது. அங்கு ரஜினி, எமி ஜாக்சன் சம்பந்தப்பட்ட ஒரு பாடல் காட்சி படமாகவுள்ளது.
