ஐபிஎல் டி20 தொடரின் 9வது சீசன் தொடக்க விழாவில் பிரபல நடிகை கேத்ரினா கைப், நடிகர் ரன்வீர் சிங் உள்பட நட்சத்திர பட்டாளம் பங்கேற்கிறது.
மும்பை, ‘நேஷனல் ஸ்போர்ட்ஸ் கிளப் ஆப் இந்தியா’ அரங்கில் நாளை மறுநாள் மாலை நடைபெற உள்ள பிரமாண்டமான தொடக்க விழாவில், வண்ணமிகு கலைநிகழ்ச்சிகள் மற்றும் வாணவேடிக்கைக்கு ஏற்பாடு செய்யப்பட்டுள்ளது.
பாப் இசை நட்சத்திரம் கிறிஸ் பிரவுன் மற்றும் குழுவினர் இசை மழை பொழிய உள்ளனர். பாலிவுட் நட்சத்திரங்கள் கேத்ரினா கைப், ரன்வீர் சிங், யோ யோ ஹனி சிங், ஜாக்குலின் பெர்னாண்டஸ் மற்றும் 200க்கும் அதிகமான கலைஞர்கள் பங்கேற்கின்றனர்.
எட்டு அணிகளின் கேப்டன்களும் இந்நிகழ்ச்சியில் கலந்துகொள்வதுடன், எம்சிசி கிரிக்கெட் நெறியை கடைப்பிடிக்க உறுதிமொழி ஏற்கின்றனர்.
