யாழ்ப்பாணம் நகரை அண்டிய பிரபல தேசிய பாடசாலையொன்றில் உயர்தரம் படிக்கும் மாணவர்கள் சிலர், 11ஆம் தரத்தில் படிக்கும் மாணவர்கள் இருவர் மீது மேற்கொண்ட தாக்குதலில் படுகாயமடைந்த மாணவன், யாழ்ப்பாணம் போதனா வைத்தியசாலையில் அனுமதிக்கப்பட்டுள்ளார்.
தரம் 11 மாணவர்களிடம் உயர்தர மாணவர்கள் கப்பமாக பணம் தருமாறு கோரியதாகவும், அதனை அவர்கள் கொடுக்க மறுத்தமையால், தரம் 11 மாணவர்களின் வகுப்பறைக்குள் கடந்த 9ஆம் திகதி புகுந்து உயர்தர மாணவர்கள் தாக்குதல் மேற்கொண்டுள்ளனர்.
இதனையடுத்து, தாக்குதல் மேற்கொண்ட உயர்தர மாணவர்களில் ஒருவர் பாடசாலையிலிருந்து இடைநிறுத்தியுள்ளதாக நிர்வாகம் அறிவித்துள்ளது.
இந்த உயர்தர மாணவனை இடைநிறுத்தியதைத் தொடர்ந்தே, மேற்படி பாடசாலை அதிபரின் கார் கண்ணாடியும் இனந்தெரியாதவர்களால் உடைக்கப்பட்டது.
