இந்தியா, பெலாரஸ், மொங்கோலியா, தஜிகிஸ்தான் மற்றும் பிற நாடுகள் உட்பட, புரவலன் தலைமையிலான கூட்டு இராணுவப் பயிற்சிகளில் பங்கேற்க சீன துருப்புக்கள் ரஷ்யாவுக்குச் செல்லும் என்று சீனாவின் பாதுகாப்பு அமைச்சகம் தெரிவித்துள்ளது.
கூட்டுப் பயிற்சியில் சீனாவின் பங்கேற்பு தற்போதைய சர்வதேச மற்றும் பிராந்திய சூழ்நிலையுடன் தொடர்பில்லாதது என்று அமைச்சகம் ஒரு அறிக்கையில் தெரிவித்துள்ளது.
கடந்த மாதம், மொஸ்கோ உக்ரைனில் ஒரு விலையுயர்ந்த போரை நடத்தினாலும், ஆகஸ்ட் 30 முதல் செப்டம்பர் 5 வரை வோஸ்டாக் (கிழக்கு) பயிற்சிகளை நடத்துவதற்கான திட்டங்களை அறிவித்தது.
சில வெளிநாட்டு துருப்புக்கள் பங்கேற்கும் என்று அப்போது கூறியது. இந்த பயிற்சியில் பங்கேற்பது ரஷ்யாவுடன் நடந்து வரும் இருதரப்பு வருடாந்திர ஒத்துழைப்பு ஒப்பந்தத்தின் ஒரு பகுதியாகும் என்று சீனாவின் பாதுகாப்பு அமைச்சகம் தெரிவித்துள்ளது.
பங்கேற்கும் நாடுகளின் இராணுவங்களுடன் நடைமுறை மற்றும் நட்புரீதியான ஒத்துழைப்பை ஆழமாக்குவது, பங்கேற்கும் தரப்பினரிடையே மூலோபாய ஒத்துழைப்பின் அளவை மேம்படுத்துவது மற்றும் பல்வேறு பாதுகாப்பு அச்சுறுத்தல்களுக்கு பதிலளிக்கும் திறனை வலுப்படுத்துவது இதன் நோக்கமாகும் என்று அந்த அறிக்கையில் கூறப்பட்டுள்ளது
இதனிடையே, சீன ஜனாதிபதி ஜி ஜின்பிங் மற்றும் ரஷ்ய ஜனாதிபதி விளாடிமிர் புடின் கீழ், பெய்ஜிங்கும் மொஸ்கோவும் பெருகிய முறையில் நெருக்கமாக வளர்ந்துள்ளன.
ஒரு வருடத்திற்கு முன்பு, ரஷ்யாவும் சீனாவும் வட-மத்திய சீனாவில் 10,000 க்கும் மேற்பட்ட துருப்புக்களை உள்ளடக்கிய கூட்டு இராணுவப் பயிற்சிகளை மேற்கொண்டிருந்தமை குறிப்பிடத்தக்கது.
